ઉંમરના કારણે એવું લાગે છે કે ફેફસાની કાર્યશક્તિ ઓછી થઈ છે અને તેને કારણે થોડું પણ જો ચાલવામાં આવે તો શ્વાસ ચડે છે. અને તરત જ બેસી જવું પડે છે.
હમણાં મારે બીજી તકલીફ એ શરૂ થઇ છે કે પેશાબ કરવા વારંવાર જવું પડે છે. બાથરૂમ સુધી પહોંચવામાં જો થોડું પણ મોડું થાય તો ક્યારેક કપડા બગડી જાય છે.
તેની સાથે જ પગ ઉપર પણ સોજા ચડવા લાગ્યા છે. કયારેક તે મોં પર પણ દેખાય છે.
આટલી ઉંમર પછી સાંધામાં તકલીફ થાય તે તો સ્વાભાવિક જ છે, દુઃખાવો એટલો હજુ નથી થતો પણ ચાલવાથી કે પગ હલાવવાથી પગના ધુંટણમાં અવાજ આવે છે.
ઘણી બધી વિલાયતી દવાઓ લીધી હોવા છતાં પણ કંઇ ફરક પડતો નથી. રાત્રે મોડે સુધી ઊંઘ આવતી નથી. યોગ્ય અને આડઅસર વિનાની આયુર્વેદ સારવાર જણાવશો.